«Жолаушы мерт болды»: Алматы облысында жантүршігерлік жол апаты болды

Алматы облысында Lada Largus көлігі ағашқа соғылып, жолаушы көз жұмды, деп хабарлайды Orda.kz. 

Алматы облыстық Полиция департаментінің дерегінше, қайғылы оқиға 28 қазан күні болған. Жол апаты Еңбекшіқазақ ауданы Ақтоғай ауылы маңындағы Алматы – Көкпек – Көктал автожолының 51-ші шақырымында болды. 

Lada Largus жүргізушісі рөлді басқара алмай, ағашқа соғылған. Жол апаты салдарынан 40 жастағы жолаушы әйел сол жерде көз жұмды. Жүргізуші мен екі жолаушы әртүрлі дене жарақаттарымен жақын маңдағы ауруханаға жеткізілді. 

Тәртіп сақшылары жүргізушілерді жол қауіпсіздігі талаптарын бұзбауға және жол ережелерін қатаң сақтауға шақырды.