Жол апатындағы қақтығыс салдарынан бес адам көз жұмды

Алматы-Бішкек тас жолында екі жеңіл көліктің соқтығысуынан бес адам қаза тапты.

Бұл туралы Orda.kz хабарлайды.

Апат болған жерден бейне кадрлар әлеуметтік желілерде таратылды. Бейнежазбада көліктердің соққысынан зардап шеккендер мен қаза болғандардың денелері көруге болады.

Алматы облысы полиция департаментінің баспасөз қызметі бұл ақпаратты растады. Жол апаты Mercedes және Audi маркалы автокөліктердің қатысуымен болғанын хабарлады. Оқиға орнында жүргізуші мен төрт Audi жолаушысы қаза тапты.

– Жол-көлік оқиғасы 9 тамызда Жамбыл ауданында сағат 20:30 шамасында болған. Алдын ала 50 жастағы Mercedes жүргізушісі Алматы-Бішкек автожолымен шығыс бағытта келе жатқан. Жолда бұрылыс жасаған Scania жүк көлігімен соқтығыспау үшін ер адам қарсы қозғалыс жолағына шығып кетіп, Audi-мен соқтығысуға жол берді. Оқиға орнында бес адам көз жұмды, олардың ішінде кәмелетке толмаған қыз бала да бар, - деп хабарлады облыстың полиция қызметі.

Сараптама тағайындаумен тергеп-тексеру Қылмыстық кодекстің 345-бабы 4-бөлігі бойынша (көлiк құралын басқаратын адамның жол жүрісі немесе көлiк құралдарын пайдалану қағидаларын абайсызда адамның денсаулығына ауырлығы орташа зиян келтiруге әкеп соққан бұзуы – абайсызда екi немесе одан да көп адамның өлiмiне әкеп соққан іс-әрекет) жүргізіледі.