Жол апаты салдарынан Розыбақиев көшесі кептелісте тұр

Алматыда Розыбақиев көшесінде Lifan автокөлігі аударылып, жүргізуші мен көлік ішіндегі жолаушы зардап шекті. Куәгерлер апатқа байланысты үлкен кептеліс пайда болғанын айтты.

Апаттың видеосы kris.p.online парақшасында жарияланды.

Белгілі болғандай, 8 ақпанда Lifan автокөлігінің жүргізушісі Розыбақиев көшесімен оңтүстік бағытта келе жатқан. Левитан көшесімен қиылыста солға бұрыла берген Lifan автокөлігі Розыбақиев көшесімен солтүстікке қарай келе жатқан Volkswagen Transporter-мен соқтығысты.

«Осы апат салдарынан Lifan көлігі аударылды, жолаушы жарақат алды. Бұл факт ҚР Қылмыстық кодексінің 345-бабының 2-бөлігі бойынша сотқа дейінгі тергеудің бірыңғай тізілімінде тіркелді», - деді Алматы жол-көлік оқиғаларын анықтау басқармасының басшысы Олжас Шәріпов.

Тиісті сараптамалар тағайындалды.