Жол апаты салдарынан бір отбасының төрт адамы қаза тапты

16 тамыз күні сағат 19.15-те Ырғыз ауданы Қалыбай кентінің жанындағы «Самара-Шымкент» автожолында жол-көлік оқиғасы орын алып, төрт адамның өліміне әкеп соқты.

Бұл туралы Orda.kz Polisia.kz сайтына сілтеме жасап хабарлайды.

Полиция қызметкерлері 39 жастағы «Nissan X-Trail» автокөлігінің жүргізушісі Ақтөбе қаласы жағынан Қалыбай ауылына жақын жерде «Самара-Шымкент» автожолымен жүріп келе жатқан Қырғызстан азаматының басқаруындағы «Volvo FH460» жүк көлігімен соқтығысқанын анықтады.

ЖКО салдарынан Nissan X-Trail көлігінің жүргізушісі, оның 40 жастағы жұбайы, 11 жасар ұлы ауыр жарақаттардан оқиға орнында көз жұмды. Көлік ішінде болған 5 жасар ұлы мен 10 жасар қызы Ырғыз ауданының орталық ауруханасына жеткізіліп, онда бес жасар ұлы көз жұмды.

ҚР ҚК 345-бабы 4-бөлігі (Абайсызда екі немесе одан да көп адамның өліміне әкеп соққан ЖҚЕ бұзу) бойынша сотқа дейінгі тергеу басталды.

Ақтөбе облысы ПД бастығы Атығай Арыстановтың айтуынша, жол апаты себептерінің бірі – қарсы қозғалыс жолағына шығу болып табылады. Оқиғалар қарама-қарсы қозғалыс жолағына шығудан бұрын бірқатар басқа бұзушылықтардың салдарынан да болады: мас күйінде басқару, жылдамдық режимін асыру және, тиісінше, басқаруды жоғалту.

– Барлық жүргізушілерге ескертеміз – басып озбас бұрын, басып озу үшін жеткілікті қашықтықта жүргіңіз келетін қозғалыс жолағы бос екеніне және басып озу кезінде сіз жол қозғалысының басқа қатысушыларына кедергі келтірмейтініңізге көз жеткізіңіз. Жол қозғалысының барлық қатысушыларын жүріс бөлігіндегі қауіпсіздік ережелерін сақтауға шақырамыз, – деді Атығай Арыстанов.