Жогорку Кенеш депутаттары Қырғызстандағы үш БАҚ-тың жабылуына қарсы шықты

Жогорку Кенеш депутаттары Қырғызстандағы үш тәуелсіз БАҚ – Азаттық, Kaktus.media және Kloop басылымдарының жабылуына қарсы шықты.

– Құрметті депутаттар, төрт президент бұған дейін тәуелсіз БАҚ-ты жапқысы келді. Олар қазір қайда? Біреуі де жоқ, қашып кетті. Билік уақытша. Шенеуніктер қызметтен кеткеннен кейін, осы бұқаралық ақпарат құралдарына өз пікірлерін білдіргісі келеді, пікірін жариялауды сұрайды. Сондықтан мұны тоқтатыңыздар! Тәжікстанның Қырғызстанға басып кіруі кезінде ақпараттық соғыста жеңіске жеткен тәуелсіз БАҚ, блогерлер болды. Тіпті алғыс айтпадыңыздар. Бұл үш басылымда адал әрі батыл қырғыз жігіттері мен қыздары жұмыс істейді. Сайлаушылардан сұрап көрейік: депутаттар мандат тапсыруы керек пе немесе осы БАҚ-ты жабуы керек пе? Олардың не жауап беретінін көрейік, – деді депутат Жанар Ақаев.

Ол Конституцияға сәйкес Қырғызстанда сөз бостандығы бар екенін және парламент БАҚ-ты жабуға рұқсат беретін заңдар қабылдай алмайтынын атап өтті.

Қазіргі уақытта Қырғызстанда аталған бұқаралық ақпарат құралдарын қаралау науқаны басталды. Сонымен қатар, депутат Надира Нарматова Азаттық басылымын жабу үшін қол жинай бастағаны туралы ақпарат пайда болды.