Жоғары және кәсіптік білімі барларға сұраныс артуда

Жоғары және кәсіптік оқу орнынан кейінгі білімі бар кадрларды даярлауға мемлекеттік тапсырыс ұлғаюда.

Қазіргі уақытта Қазақстанда 120 жоғары оқу орны жұмыс істейді. Онда 642 588 адам оқиды, мемлекеттік тапсырыс бойынша - 255 685 адам білім алады. Оның  37,4 мыңын профессор-оқытушылар құрайды. 

Жоғары және кәсіптік оқу орнынан кейінгі білімі бар кадрларды даярлауға мемлекеттік тапсырыс көлемі артып келеді. Нақтылай айтсақ,  2024 жылы 93 952 грантты (бакалавриат - 77 844, магистратура - 13 189, докторантура – 2 919) қаржыландыру көлемі 228,6 млрд теңге болды. 2024 жылдың бірінші жарты жылдығында 300 орындық 3 жатақхана, оның ішінде 2-уі ЖОО үшін, 1 колледждер үшін 70 орындық жатақхана пайдалануға берілді. 2024 жылдың бірінші жартыжылдығы қорытындысы бойынша Қазақстанның жоғары оқу орындарында 27 969 шетелдік студент оқиды.

 Жоғары білім мен ғылымды дамытудың 2023–2029 жылдарға арналған жоспарын іске асыру аясында шетелдік жоғары оқу орындары филиалдарын ашу жұмыстары жүргізілуде. Қазіргі таңда 19 стратегиялық серіктестік әзірленді, оның 15 шетелдік университеттердің филиалдары. Ал 8 стратегиялық серіктестік бағытында жұмыс жүргізуде.