Жоғары бал жинаған оқушылар қалай гранттан қағылды?

Биыл су тасқынынан зардап шеккен өңірлердің түлектерері мен жоғары балл жинап грант ала алмаған оқушылардың жағдайы қоғамда біраз наразылық тудырды. 

Жоғары балл жинаған түлектердің көбі гранттан құр қалып, орындардың әділ бөлінбегені туралы айтты. Министрлік су тасқынынан зардап шеккендер үшін қосымша квота бөлінгенін мәлімдеді.

Қазіргі таңда түлектер сотқа шағымданды. Алғашқы алдын ала тыңдау отырысы сәрсенбі күні өтеді. Министрлікке қарсы алғашқы шағымды берген Медина Майсар грант алғандар қатарында болды.

Еске сала кетсек, бұған дейін Orda.kz министрліктің биылғы жылы ҰБТ-дан жоғары балл жинаған, бірақ білім беру грантын ала алмаған түлектер үшін қосымша 10 мың грант бөлу туралы шешім қабылдағанын жазған болатын.