Жоғарғы сот қыз зорлаған блогердің сотын кейінге қалдырды

Жақында «қыз зорлады» деп сотталған блогер ақталып шыққан болатын. Бұл шешімге жәбірленуші қарсы болып, Жоғарғы сотқа жүгінді. Айыпты Ерқанат Думанның тарапы материалдармен танысу үшін уақыт сұраған соң, сотты 17:00-ге ауыстырды.

Бұл туралы Orda.kz хабарлайды.

Еске сала кетейік,«қыз зорлады» деп айыпталған Ерқанат Думан кінәсіз екенін айтып жар салған болатын. Бұл жайлы жәбірленуші жақтың пікірін қоса отырып, көлемді  материал жарияладық.

«Таңертең тура сағат 10:00-де бізді сотқа әкелді. Бірақ Ерқанат Думанды қорғаушы тарап материалдармен танысу үшін уақыт сұраған соң, сот ісі кешкі 17:00-ге ауысты. Бұл шығын болайын деп тұр және қарсы тарап жәбірленушіге күйе жағуды жалғастыруы мүмкін. Әрине, біз қарсы болдық. Кешкі 5-ке ауыстырды. Бүгін осы істің нүктесін қоямыз деп отырмыз. Айыпталушыны ақтау үкімі күшін жояды деп үміттенеміз», – деді сот ғимараты алдында Orda.kz тілшілеріне берген сұхбатында Елена Жигалёнок.