Жоғалған телефон 10 жылдан кейін табылды

Солтүстік Қазақстан облысының полицейлері 10 жыл бұрын ұрланған телефонды тапқан.

Бұл туралы ІІМ хабарлады.

Облыстың Қызылжар ауданынында 2014 жылы Samsung Galaxy S III Mini модельді ұялы телефоны жоғалып кеткен. Соколовка ауылының тұрғыны ауыл жанындағы көл жағасында кетіп бара жатып, ұялы телефонының жоқ екенін байқайды. 

10 жылдан кейін ашылған  жаңа дәлелдер мен зерттеулер нәтижесінде полиция қызметкерлеріне күдіктінің қылмысты жасаған кезде жасөспірім болғанын, қазіргі таңда 27 жасқа толғанын анықтаған.

Күдікті өзінің кінәсін мойындап, жағажайда қараусыз жатқан телефонды қалай иемденгенін айтып берді. Жылдар бойы ісі тастамай зерттеу нәтижесінде ұрланған телефон заңды иесіне қайтарылды.

«Қылмыстық іс жүргізу мерзімінің өтуіне байланысты іс тоқтатылды. Дегенмен, өзгеріс болып жатса бұрынғы материалдар  үнемі қайта қаралатынын ескерген жөн. Ашылмай қалған қылмыстың бірде-бірі полиция назарынан тыс қалмайды»,-  дейді аудандық полиция бөлімінің бастығы Әлихан Байқадамов.