Жоғарғы сот судьясы пара алды деген күдікке ілінді

11 ақпанда Сыбайлас жемқорлыққа қарсы қызметтің қызметкерлері Жоғарғы Соттың ішкі қауіпсіздік департаментімен бірге Жоғарғы Сот судьясы Мейрам Жангуттиновты ұстады.

Ол 8000 доллар пара алды деп күдіктелуде.

Сенаттың 2014 жылғы 30 мамырдағы № 403-V СП қаулысымен Қазақстан Республикасы Жоғарғы Сотының судьясы болып сайланды.

Судья Жангуттинов еңбек жолын 1990 жылы Шығыс Қазақстан облысы Марқакөл аудандық сотының төрағасы болып бастаған. Содан кейін ол мансап сатысымен көтеріліп, 2014 жылы Жоғарғы Сот қызметкерлігіне дейін өсті. 2019 жылдан бастап Жоғары Сот Кеңесінің мүшесі және судьяларды конкурстық іріктеу жөніндегі комиссияның мүшесі, сондай-ақ Жоғары Сот Кеңесі жанындағы сараптамалық-консультативтік комиссияның мүшесі болды.

Жангуттинов 2011 жылы экс-денсаулық сақтау министрі Жақсылық Досқалиевқа үкім шығарғанымен танымал. 2013 жылы ол елордада қастандықтар мен жарылыстар жоспарлаған «Астана террористері» ісі бойынша сот процесін басқарды. 2019 жылы Жоғарғы Сот жанындағы Сот төрелігі академиясының ғылыми кеңесінің шешімімен Жангуттиновке «академияның құрметті профессоры» атағы берілді.

Осындай қомақты жұмыс тәжірибесі бар адам 8 мың доллар пара аламын деп, зейнетке шығар алдындағы мансабы ғана емес, өмір бойы жинаған абыройынан да айрылмақ па? Егер оның кінәсі дәлелденсе, онда ол судьялар зейнетке шыққаннан кейін алатын барлық сыйақылардан айрылады. Онымен қатар жоғары зейнетақы мен үстеме төлемнен де айрылуы мүмкін.