Жоғарғы сот Матаевтарды толық ақтады

ҚР Жоғарғы соты қазақстандық әкелі-балалы журналистер Сейітқазы Матаев пенмен Әсет Матаевты толық ақтады.

Жоғарғы Сот Астана қаласы сотының Сейітқазы мен Әсет Матаевтарға қатысты 2016 жылғы 9 желтоқсандағы үкімінің күшін жойды. Судья өз үкімін оқи отырып, Матаевтардың ақталғанын, сондай-ақ қылмыстық процесті жүргізген органдардың заңсыз әрекеттерінен келтірілген зиянды өтеуге құқығы бар екенін түсіндірді.

Айта кетейік, Сейтқазы мен Әсет Матаевтар 2016 жылы сотталды. Сейітқазы Матаевтың дүние-мүлкі тәркіленіп, өмір бойы кәсіпкерлік қызметпен айналысуға тыйым салынып, 6 жылға, ал Әсет Матаев болса жеке дүние-мүлкі тәркіленіп, 5 жылға бас бостандығынан айрылды.

– Сейітқазы Матаевтың дүние-мүлкі тәркіленіп, мемлекеттік және комерциялық ұйымдарда, ұйымдастырушылық-бөлушілік және материалдық жауапкершілігі бар лауазымдармен байланысты қызмет түрлерін атқаруға өмір бойына тыйым салынып, 6 жылға бас бостандығынан айыру жазасы тағайындалсын. Жазасын жалпы тәртіптегі колонияда өтесін. Үйқамақ түріндегі бұлтартпау шарасы шегеріліп, сот залында қамауға алынсын, – деген үкімді судья Құрмантаев оқыған болатын.