Жоғалып кеткен қырғыз азаматы Алматыда табылған: Қырғызстан Қазақстанға нота жолдады

Қырғызстан Сыртқы істер министрлігі 2021 жылдың 21 қаңтарында Қазақстанның Қырғызстандағы елшісінің Қырғыз Республикасының СІМ шақырылғанын хабарлады.

Оған Қырғыз Республикасының азаматы Сыдықовқа қатысты нота табыс етілді. Онда «Қырғызстан тарапы Қазақстанның кейбір құқық қорғау органдарының азаматқа қатысты заңсыз әрекеттерді қолдануы салдарынан денсаулығына зиян келтіру бойынша іс-әрекеттеріне алаңдаушылық білдірді».

Қырғызстанның Сыртқы істер министрлігі оқиғаның барлық мән-жайын анықтау және барлық кінәлі шенеуніктерді жауапкершілікке тарту, Сыдықовтың денсаулығына ауыр зиян келтіргені үшін өтемақы төлеу үшін жан-жақты және объективті тергеу қажеттілігіне назар аударды.

Сыдықовтың айтуынша, тәртіп сақшылары оны соққыға жыққан. Салдарынан ер адам ауыр жарақат алып, ауруханаға түскен.

Белгілі болғандай, ер адам Қазақстанда жиһаз құрастыру шебері болып жұмыс істеген.