Жоғалған қызды бейтаныс адаммен қараусыз қалған үйден тапты

Қаражал қаласында 26 сәуірде кішкентай қыз жоғалып кетті. Ол 55 жастағы ер адаммен қараусыз қалған үйден табылды.

Толығырақ Orda.kz сайтында.

Қарағанды облысының Қаражал қаласында төтенше жағдай орын алды. 26 сәуірде кешке ауладан бүлдіршін қыз із-түссіз жоғалып кетті. Анасы қызынын жоғалып кеткенін байқап полицияға хабарласты.

— 26 сәуірде сағат 22.26-да Қаражал қалалық полиция бөлімінің кезекші бөліміне 30 жастағы тұрғыннан қызының жоғалып кеткені туралы арыз келіп түсті. Полиция қызметкерлері, әкімдік, ТЖБ өкілдері және еріктілер қалада іздестіру іс-шараларын өткізді. Іздеу барысында қараусыз қалған үйден 55 жастағы қала тұрғыны табылды, оның жанында бүлдіршін қыз бала болған, - деп хабарлады Қарағанды облысы ПД баспасөз қызметі.

Ер кісі мен бүлдіршін қараусыз қалған үйде не істегені әлі белгісіз. Қазіргі уақытта ер адам қамауға алынды.

— Аталған факті бойынша қылмыстық іс қозғалды. Жедел-тергеу шаралары жүргізілуде. Тиісті сараптамалар тағайындалды. Ұсталған азамат УҰИ-ға қамауға алынды, - деп толықтырды Қарағанды облысы ПД баспасөз қызметі.