Жириновский біраз қазақты оятты – Самат Нұртаза

Белгілі журналист, саясаттанушы Самат Нұртаза өзінің әлеуметтік желідегі парақшасында Жириновскийге қатысты пікір білдірді.

Оның айтуынша, ол 30 жылдық айқайымен талай қазақты оятқан.

«Жириновский 30 жыл өзінің сөзімен, айқайымен, ұрандарымен біраз қазақты оятты. Мойындау керек. Мыңдаған қазақ Жириновскийдің сөздерінен кейін территориялық тұтастық пен Қазақстан Республикасы үшін уайымдай бастады. Менің ойымша, егер Жириновский болмаса, біраз қандастарымыз әлі оянбас еді» деді Нұртаза.

Сонымен қатар, саясаттанушы ендігі жастар арасынан Жириновский сияқты кісілер шықпайтынын алға тартты. Ол жас депутаттардың сөзі өтімді болмайтына сенім білдірді.

«Енді Жириновский жоқ. Енді Жириновский сияқты ешкім сөйлемейді, сөйлей алмайды. Енді тынышталады. Жас депутаттардың сөздері Владимир Вольфұлының сөздеріндей өтімді болмайды. Бастысы, енді қазақ ұйықтап кетпесе екен…» деді Самат Нұртаза.

Еске салсақ, 6 сәуір ЛДПР партиясының депутаты Владимир Жириновскийдің қаза болғаны хабарланды. Ол бұған дейін ауыр хәлде ауруханада жатқан.