«Жіппен қылқындырған»: «РОП операторы» ісі бойынша қосымша сараптамалар тағайындалды

«Оператор РОП» ЖШС топ-менеджерлерінің бірі қайтыс болғандықтан қосымша сараптамалар тағайындалды. Бұл туралы ҚР Ішкі істер министрлігі хабарлады.

Қазіргі уақытта қылмыстық істі Астана қалалық полиция департаментінің тергеу бөлімі Қылмыстық кодекстің 105-бабы 1-бөлігі «Өз-өзіне қол жұмасауға итермелеу» бойынша тергеп жатыр.

Қылмыстық іс бойынша 94 куәгерден (туыстары, достары, әріптестері және т.б.) жауап алынды. Тергеу барысында қосымша сараптамалар тағайындалды.

«МКҚК қорытындысына сәйкес, көрсетілген тұлғаның өлімі жіппен қылқындырудан болған. Мәйіттен басқа жарақаттар табылмады. Сондай-ақ оның кабинетіндегі үстелдің үстінен суицид туралы қолжазба қағаз табылды», - деп хабарлады ведомстводан.

Тергеу барысында жәбірленушінің әйелі мәйітте екінші тұншықтырған ойықтың (мойынды ілмекпен қысу ізі) бар екенін жазған Мәскеуден келген жеке компанияның қорытындысын көрсетті. Осыған байланысты оның өтініші бойынша және Астана қаласының прокуратурасымен келісе отырып, Ресейдің құзырлы органдарына қосымша сот-медициналық сараптама жүргізу туралы халықаралық ұйғарым жіберілді.