Жигули Дайрабаев сотта жеңіліп қалды

Жамбыл облыстық соты Сайт Рузиевтің талап арызы бойынша бірінші сатыдағы соттың шешімін өзгеріссіз қалдырды. Еске салайық, сот Рузиевтің бұрынғы әйелі мен мәжіліс депутаты Жигули Дайрабаев арасында жасалған Меркі ауылындағы үйді сату туралы мәміленің күшін жойған болатын.

Сот даулы үйді бірлесіп сатып алынған мүлік деп тану және Рузиевтің ондағы үлесін заңнамаға сәйкес анықтау туралы шешім қабылдады. Сондай-ақ, жауапкерлер талапкер адвокатының қызметін бірлесіп төлеуге міндетті.

Рузиев бұрынғы әйелімен бірге иелік еткен үйді сатудан өз үлесін ала алмаған. Әйел Рузиевтің келісімінсіз коттеджді депутат Жигули Дайрабаевқа сатып жіберген. Рузиевтің ажырасуға қарсы еместігі және материалдық талаптары жоқ деген сөзін бұрмалап, әйелі күйеуінсіз ажырасу туралы арыз берген болып шықты.

 Еске салайық, бұған дейін Рузиевтің әлеуметтік желілерде депутаттың үйін өз атына заңсыз қайта рәсімдегенін айтқан үндеуі жарияланған болатын. Одан кейін мәжілісмен Рузиев өзінің қызмет бабын пайдаланып, «бопсалау жолын таңдады» деген пікірімен бөлісті.

Бұған дейін Orda.kz сайты депутат Жигули Дайрабаевтың екі ұлына үкім шыққанын жазған болатын. Марат Дайрабаев пен Дидар Молдақалық алаяқтық жасағаны үшін кінәлі деп танылды. Олар мүлкі тәркіленіп, бес жыл сынақ мерзімін алды. Айыпталушылардың кінәсі куәлардың айғақтарымен, бейнежазбалармен, сараптама қорытындысымен, заттай дәлелдемелермен дәлелденді. Сотталушылар кінәларын мойындамай, ақтауды сұрады.

Дайрабаев өз балаларын кінәлі деп санамайды және парламенттен кеткісі келмейді.