«Жезөкшелік қызметтің құны 40 мың теңге»: Ақтөбеде бір «жеңгетайға» сот рақымшылық жасады

Ақтөбе соты жыныстық қызмет көрсетіп, пайдакүнемдiк үшін «жеңгетай» болған жоғары білімді 36 жастағы әйелге рақымшылық жасады, деп хабарлайды Orda.kz.

Ақтөбе қалалық сотының судьясы Аян Құсаев ҚК 309-бабы 1-бөлігі бойынша қаралған жеңгетай болу ісіне үкім оқыды.

«Жезөкшелiкпен айналысуға, жыныстық сипаттағы өзге де қызметтерді көрсетуге арналған притондар ұйымдастыру немесе оларды ұстау және жеңгетай болу бабымен айыпталған әйелге қатысты іс жабық режимде қаралды. БАҚ өкілдеріне үкім оқылған сәтке қатысуға рұқсат берілді.
Айыптаудың мәні қандай? 
Сотта айыпталушы орынында 36 жастағы ақтөбелік әйел отырды. Сотталушы 1989 жылғы. Жоғары білімді. Тұрмыс құрмаған. Бұрын сотталмаған. Ол — қаладағы көңіл көтеру орталығының әкімшісі. «WhatsApp» мессенджері арқылы К-ға Н. есімді клиентке жыныстық қызмет көрсету туралы ұсыныс жасаған. Қызмет құны – 40 000 теңге. 
Сотталушы өзіне тағылған айыпты толық мойындады. Жасаған ісіне өкінетінін айтты. Рақымшылық заңы аясында қылмыстық жауаптылықтан босатуды сұрады», — деді судья. 

Мемлекеттік айыптаушы тарапынан да өтінішке қарсылық болмады. 

«Қылмыстық іс кодекстің 309-бабы 1-бөлігі бойынша сотқа түсті. ҚР Конституциясының 30 жылдығы аясында «Рақымшылық туралы» Заң аясында С. Қылмыстық кодекстің 309-бабы 1-бөлігі бойынша қылмыстық жауапкершіліктен босатылсын», — деп оқыды үкімдә судья Аян Құсаев.  

Бұлтартпау шарасы ретінде қолданылған үйқамақтың күші жойылды.

Автор: Ардақ Ерубаева