Жезқазғанда арнайы жасақ қарулы жүргізушіні ұстады

Жезқазғанда жол ережесін өрескел бұзып, қашып кетпек болған көлік жүргізушісі ұсталды. Ұсталған сәт видеоға түсіп қалған, деп хабарлайды Orda.kz Ұлытау облыстық полиция департаментіне сілтеме жасап.

102 арнасына түскен ақпаратқа сәйкес, жүргізуші қарулы болған. Оны патрульдік полиция мен «Арлан» арнайы жасағы ұстады. Дәл осы сәтте видеода оқ  атылғанға ұқсас дыбыстар естіледі. Кейін полиция ешкімнің қару қолданбағанын, жазбада көлік терезесінің сынғаны естілгенін айтты.

Ұлытау полиция басқармасының баспасөз қызметі тергеу басталғанын хабарлады.