Жезқазғанда екі азамат қаржы пирамидасын жарнамалады деген күдікке ілінді

Жезқазған қаласының екі тұрғынына қатысты «MetaGo» қаржы (инвестициялық) пирамидасын жарнамалау күдігі бойынша сотқа дейінгі тергеп-тексеру басталды. Бұл ҚМА Ұлытау облысы бойынша Департаменті өңірлік прокуратураның үйлестіруімен және Агенттіктің көлеңкелі экономика саласындағы талдамалық бөлімшелерімен өзара іс-қимыл нәтижесінде  анықталған.

«Күдікті тұлғалар «MetaGo» қаржы пирамидасының қызметі туралы ақпараттық ресурстарда(«YouTube» бейнехостинг сайты, «Whatsapp» және «Telegram» мессенджерлері, «Facebook» және «Instagram» әлеуметтік желілері), сондай-ақ осы қаржы пирамидасының таңбасы бар киім мен плакаттарды пайдалана отырып халықпен кездесулер мен жиналыстар өткізген» деп жазылған хабарламада.

Олар осы арқылы 63 млн теңгеден астам  залал келтіріп, тікелей қаржы пирамидасының заңсыз қызметіне 80-нен астам азаматты  тартқан.