Жезқазғандағы мыс балқыту зауытында өрт болды

Жезқазғандағы мыс балқыту зауытында төтенше жағдай орын алды.

Бұл туралы Orda.kz хабарлады.

ҚР ТЖМ баспасөз қызметі хабарлағандай, 27 мамыр күні сағат 8.53-те Жезқазған мыс балқыту зауытында, «Қазақмыс корпорациясы» ЖШС-де өрт шыққаны туралы хабарлама келіп түскен.

– Балқыту цехында трансформатордың жанатын бөліктері мен төгілген май шамамен 100 шаршы метр алаңда өртенген, зардап шеккендер мен қаза тапқандар жоқ, - деп хабарлады ҚР ТЖМ ресми өкілі Талғат Уәли.

Цехтағы өндірістік процесс уақытша тоқтатылды. Өртті сөндіруге Қарағанды облысы ТЖД күштері мен құралдары: жеке құрамнан 26 адам және 7 бірлік техника, сондай - ақ «Серіктес» ЖШС МЕӨҚҚ-13 қызметкер және 3 бірлік техника жұмылдырылды.