Жетісуда жолдарды қар басып қалды

Полиция қар құрсауында қалғандарды құтқару жұмыстарын белсенді атқарды.

Полицейлер бұған дейін облыс тұрғындарына ауа райының нашарлайтынын  және жолдарда абай болу керектігін ескерткен.

Бірақ көлік жүргізушілері ескертуге мән бермей жолға шыққан.

Ақсу ауданында учаскелік полиция қызметкерлері Қапал – Талдықорған бағытында жабылған жолдан шыға алмай қалған Mercedes Benz көлігінің жүргізушісі мен жолаушыларын құтқаруға мәжбүр болды.

«Полицейлер көлікті жолдың тазартылған бөлігіне сүйреп апарып, оларға ақ жол тіледі. Көлік жүргізушісі патрульдік қызметшілерге көрсеткен көмегі үшін алғысын білдірді»  деп хабарлады Жетісу облысы бойынша жол қызметі.