Жетісу облысында сот ғимараты «миналанды»

Жетісу облысында сот ғимараттары «миналды» деп хабарлайды ІІМ ресми интернет-ресурсы.

«3 ақпанда Жетісу облысы соттарының электрондық мекенжайларына ғимараттарға қойылған жарылғыш заттар туралы қоқан-лоққы хабар келіп түсті. Мәтінде Алматы облысы соттарын ғимараттары миналанғаны жазылған»  делінген хабарламада.

Анықталғандай, саперлер іздестіру иттерімен оқиға орнына барып, облыс аумағында орналасқан барлық сот ғимараттарын қарап шықты. Тексеру кезінде жарылғыш зат табылған жоқ.

«Хабарда көрші аймақтың  аталғанын ескере отырып, жиналған материалдар Алматы облысының полиция департаментіне жолданып, аталған фактімен 1-бап бойынша қылмыстық іс қозғалды. Қылмыстық кодекстің 273-бабы (Терроризм актісі туралы көрінеу жалған хабарлау) бойынша қылмыстық іс қозғалды» деп атап өтті департаментте.

Терроризм актiсi туралы көрiнеу жалған хабарлау – бес мың АЕК-ке дейiнгi мөлшерде айыппұл салуға немесе сол мөлшерде түзеу жұмыстарына, сондай-ақ шектеуге немесе бес жылға дейiнгi мерзiмге бас бостандығынан айыруға жазаланады.