Жетісу облысында  полиция қызметкерлері жаппай жұмыстан кетіп жатыр

Жетісу облысында  полиция қызметкерлері жұмыс кестесінің ауырлығына байланысты жұмыстан кетті.

Жетісу облысы Ақсу ауданында патрульдік полиция инспекторларының тұтас бір тобы өз еркімен жұмыстан кету туралы арыз жазған. Оларды жаңа ауысым кестесі қанағаттандырмады.

Мұрат Ердәулетұлы, Дәурен Қанатбаев, Қайрат Сейітбаев және Рауан Рысбеков атты төрт полиция қызметкері Orda.kz. сайтына жұмыс жағдайының адам төзгісіз болып кеткенін айтты. Жаңа кесте бойынша олар 24 сағат жұмыс істеп, сегіз сағат демалып, кезекшілікке оралуы тиіс.

Олар билікке наразылықтарын білдірді, айтуынша, олар ешқандай реакция жасамаған. Сондықтан кеше, 6 мамырда сағат 21:30-да төртеуі де жұмыстан шығу туралы арыздарын жазып, қызметтік куәліктерін Ақсу аудандық полиция бөлімі кадр қызметі инспекторының міндетін атқарушы Фаррух Тұрсынбековке тапсырды.

Алайда, мамырдың 7-сі күні таңертең төрт арыздың да жоғалып кеткені белгілі болды, оны жазған қызметкерлерге келеңсіз себептермен, оның ішінде жұмысқа келмеулеріне байланысты жұмыстан шығарамыз деп қорқытқан.

Басқармада не болып жатқанын Orda.kz. тілшісі Ақсу аудандық ішкі істер бөлімінің басшысы Ернар Шербаевтан білуге ​​тырысты.

– Сіз полиция қызметкерлерінің төрт куәлігі де жоқ деп айтасыз ба? Бұл жанжал ма? - деп сұрады Orda.kz. тілшісі.

– Жоқ, Тұрсынбеков қызметтік куәлігін сақтап қалды! - деп жауап берді Шербаев.

«Алайда, қызметтік күәліктер қалып, бірақ арыздар қалай жоғалып кетті?»  деген сұраққа полиция бөлімшесінің бастығы жауап бермей, телефонды қойып, одан кейінгі қоңырауларға жауап бермеді.

Облыстық департаменттегі жанжал Жетісу облыстық ішкі істер басқармасына дейін жетті. Істі тексеру үшін жергілікті полиция қызметінің Жетісу облысы бойынша орынбасары Олжас Отаров пен Жетісу облысы бойынша ДПД жеке құраммен жұмыс  инспекциясының қызметкері Мұратхан Маркс аудандық полицияға  аттанды.

Біз оқиғаның қалай өрбитінін бақылап отыратын боламыз.

Авторы: Алдияр Әшім, Жетісу облысы