Жетісу облысында кәсіпкерден ақша бопсалағандар ұсталды

Жетісу облысында жергілікті кәсіпкерден ақша бопсалаған үш ер адам ұсталды.

Жаркентте  жергілікті кәсіпкерден 15 мың қытай юанын бопсалаған күдікті  үш ер адам ұсталды.

«Біреуі Алматы қаласының, екіншісі Алматы облысының, үшіншісі Жетісудың тұрғыны. Олар жәбірленушіден ақша аударып жатқан кезде ұсталды. Оның бірінен 9 мм калибрлі 13 патроны бар тапанша (дабылды) тәркіленді», - деді Жетісу облыстық ІІД Ұйымдасқан қылмысқа қарсы күрес басқармасының бастығы Сарқытбай Құсайынов.

Аталған факт 194 Қазақстан Республикасының Қылмыстық кодексi «Бопсалау»  бабы бойынша тергеу  жүргізілуде. Ұсталғандар уақытша ұстау изоляторына қамалды.