Жетісу облысында ер адам 100 келіге жуық балықты заңсыз аулаған

Тәртіп сақшылары көліктің жүк салғышынан екі қап әртүрлі  балық пен тыйым салынған моножіпті торларды тәркіледі.

Кербұлақ ауданындағы Сарыөзек ауылы маңында тәртіп сақшылары жүргізген іс-шара кезінде  63 жастағы ер адам ұсталды, деп хабарлайды POLISIA.KZ.

«Тәркіленген балықтың жалпы салмағы шамамен 100 келі болды, тәркіленген балық мемлекетке өткізу үшін қабылдау пунктіне тапсырылды. Келтірілген шығын шамамен 400 мың теңге болды», - дейді табиғатты қорғау полициясының аға инспекторы Бағлан Рымжанов.

Аталаған іс «Балық ресурстарын, басқа да су жануарларын немесе өсімдіктерін заңсыз өндіру» фактісі бойынша тексерілуде.