Жетісу облысында 25 мың гектар жер мемлекет меншігіне қайтарылды

Жетісу облысы Ақсу ауданында пайдаланылмай жатқан 25 мың гектар жер мемлекет меншігіне қайтарылды. Қайтарылған жердің негізгі бөлігі төрт ауылдық округке тиесілі.

Ақсу ауданының прокуратурасы анықтағандай, жер учаскелерінің иелері егіс алқаптары туралы есептерді уақытында жібермеген, ал малшылар онда ұсталуы тиіс малдарын есепке алмаған, деп хабарлайды Хабар 24 .

Тағы 220 мың гектар жер игерілмей жатыр деген болжам бар. Қазір олардың бір бөлігін мемлекет қорына қайтару жұмыстары жүргізіліп жатқаны атап өтілді. Ақсу облысы прокурорының орынбасары Әділет Сабырбаев жерді мемлекет меншігіне қайтару мәселесіне қатысты пікір білдірді.

— Ақсу ауданында пайдаланылмай жатқан 179 мың гектар жер анықталды. Аталған учаскелер бойынша аудан прокуратурасы уәкілетті органдарға ұсыныс енгізді. Қарау қорытындысы бойынша аталған жер учаскелерінің меншік иелеріне хабарламалар табыс етілді және алып қою рәсімі басталды, егер бұл жер телімдерінің пайдаланылмай жатқаны анықталса, онда олар мемлекет кірісіне мәжбүрлеп қайтарылады, - деп түсіндірді ол.