Жетісуға келген Тоқаев №30 мектепке автобус сыйлады

Мемлекет басшысы Қасым-Жомарт Тоқаев Жетісу облысына келді. Мемлекет басшысы Талдықорғандағы зауыт қызметі жайлы біліп қайтты. Сондай-ақ6 Ынтымақ ауылындағы №30 мектепке автобусты сыйға тартты, деп хабарлайды Orda.kz.
Қасым-Жомарт Тоқаевтың Жетісу облысына жұмыс сапары «Талдықорған» индустриялық аймағында орналасқан «ASMA INDUSTRIAL» өндірістік аккумулятор шығару зауытының жұмысымен танысудан басталды. Құны 8,5 миллиард теңге болатын жоба былтыр қолға алынып, алдымен ғимараты жаңартылған. Бюджет қаражатына электр жабдықтары орнатылып, кәріз және газдандыру желілері тартылған. Аумағы 14,3 гектар болатын зауыт биылғы 6 желтоқсан күні іске қосылды.
Президентке өндіріс орнын таныстырған «ASMA INDUSTRIAL» ЖШС құрылтайшысы әрі зауыт директоры Серікбай Ажмағамбетовтің айтуынша, мұнда мұнай-газ, тау-кен өнеркәсібінде, телекоммуникацияда, теміржол саласында, сондай-ақ «жасыл» энергетикада үздіксіз энергия көзі ретінде қолданылатын өндірістік аккумулятор батареялары шығарылады.
Зауыт толық қуатына шыққанда 180 жұмыс орны құрылып, жылына 210 мың аккумулятор өндіреді. Дайындалған өнімнің 60 пайызын ТМД және Балтық елдеріне экспорттап, қалған 40 пайызын отандық нарықта сатуды жоспарлап отыр. Сондай-ақ іске қосылған алғашқы жылы бюджетке 500 миллион теңгеден астам салық төлейді.
Зауытқа қажетті шикізаттың басым бөлігі Қазақстан кәсіпорындарынан сатып алынады. Атап айтқанда, «Қазмырыш» ЖШС-тен қорғасын, «Қазатомөнеркәсіп» ҰК» АҚ-дан күкірт қышқылын алса, сепаратор мен полипропиленді Қытайдан импорттайды.
«Мемлекет мықты болсын десек, ең алдымен, өңірлеріміз қуатты болуы керек. Өндірісі дамыған елге айналу үшін осы салаға көңіл бөліп отырмыз. Стратегиялық маңызы бар Жетісу облысына ерекше назар аударамыз», – деді Президент.
Облыс әкімінің айтуынша, биылғы І жартыжылдықтағы жалпы өңірлік өнім 6,2 пайыз өсіммен 781 миллиард теңгені құраған. Ал жыл аяғында 7,1 пайыз өсімге қол жеткізілмек. Он айдың қорытындысы бойынша қысқа мерзімді экономикалық көрсеткіш 112,8 пайызды көрсеткен.
Aуыл шаруашылығының дамуында оң динамика бар. Сондай-ақ өндіріс көлемі, өнеркәсіп, сауда және құрылыс салалары ілгерілей түскен. Биыл өңірде 247,6 мың шаршы метр тұрғын үй пайдалануға берілген. Бұл былтырғы көрсеткіштен 4,1 пайызға артық.
Жыл басынан бері 1,3 есе өсіммен 327,1 миллиард теңге инвестиция тартылған. Осы ретте жеке инвестициялар саны 1,6 есе өскен. Бейбіт Исабаев 2024-2030 жылдарға арналған құны 3,5 триллион теңге болатын инвестициялық портфель қалыптастырылғанын жеткізді. Оның аясында 190 жоба қолға алынып, 11,8 мыңнан астам жұмыс орны ашылады. Биыл 54,9 миллиард теңгені құрайтын 48 жоба іске асырылып жатыр.
Бұдан бөлек, өңірдегі өнеркәсіп саласы туралы айтылды. Жетісу облысында 549 кәсіпорын тіркеліп, 30 мыңнан астам адам жұмыспен қамтылған. Биылғы он айда өнеркәсіп өндірісі 3,9 пайызға өскен.
Сонымен қатар, Қасым-Жомарт Тоқаев Талдықорған қаласының іргесіндегі Ынтымақ ауылында биыл пайдалануға берілген №30 мектепті аралап көрді.
1200 оқушыға есептелген білім ошағының құрылысы жергілікті бюджеттің және Білім беру инфрақұрылымын қолдау қорының есебінен қаржыландырылған. Заманауи үлгіде жабдықталған мектепте 77 оқу кабинеті, мультимедиа сыныптары, спорт, гимнастика, мәжіліс пен кітапхана залдары, ағаш, металл және тігін шеберханалары бар. Президент жаңа оқу ордасын аралап көріп, оқушылармен әңгімелесті. Мемлекет басшысы мектепке автобус сыйға тартты.
Жалпы, биыл Жетісу облысында 3 жаңа мектеп ашылған. Оның ішінде екеуі «Жайлы мектеп» ұлттық жобасы аясында салынды. Атап айтқанда, Панфилов ауданының Жаркент қаласында 1200 орындық, Көксу ауданының Қаратал ауылында шағын жинақты мектеп пайдалануға берілді. Қазіргі кезде облыс бойынша 5 білім ошағының құрылысы жүргізіліп жатыр.
Қасым-Жомарт Тоқаев әлеуметтік-экономикалық даму қарқынын сақтап, тиісті жұмыстарды жалғастыруды тапсырды.
Жаңалықтар
- Сауда министрлігі АҚШ-тың жаңа тарифтеріне қатысты мәлімдеме жасады
- 2021 жылдан бері Қазақстанда екі миллиард ағаш отырғызылып жатыр. Соның қаншасы шынымен орманға айналады?
- ҰҚК құрамына енген Антикор тізгінін жаңа басшы ұстады
- Жетісуда балық инспекторы жеке мейрамын мемлекеттік мерекеге айналдырды
- Маңғыстаудың дауға қалған экс-әкімі жаңа қызметке тағайындалды
- Жамбыл облысында жер сілкінді
- Қазақстан енді қарасорадан қағаз шығарады
- Жоғалып кеткен ҚБТУ студенті 6 күннен бері табылмай жатыр
- Түркістанда жанармай құю станциясы жарылды: өрт сауда орталығын, дәріхананы және тұрғын үйді шарпыды
- «Парақшасы жойылып, полиция шақырды»: Журналист Лұқпан Ахмедьяровқа қысым көрсетіліп жатыр
- Құлсарыда мопед мінген 13 жастағы бала мерт болды
- Қонаевта депутаттың көз алдында әйел суға батып кетті: Жағажайда құтқарушылар да, дәрігерлер де болмаған
- Ташкентте 157 жыл бұрынғы аптап ыстық қайталанды
- Қол жетпес Қайрат Қожамжаров: күдікке іліккен көлеңкелер
- Қостанай облысында өгей қызын зорлаған АИТВ диагнозы бар ер адам сотталды
- Трамп Қазақстаннан баратын тауарға 25% баж салығын енгізді
- Шерзаттың ісі: 7 жылға сотталған Дидардың ата-анасы сот үкімімен келіспейді
- Ресейде көлік министрі қызметінен босатылған соң өзіне қол салды
- Әлихан Әскербай ауыр атлетикадан Азия чемпионы атанды
- Ақмола облысында сумен жабдықтау желілерін салуға 21,5 млрд теңге бөлінді