Жетісуда малға арналған шағылысатын таспалар қолданыла бастайды

Малдың қатысуымен болатын жазатайым оқиғалардың көбеюіне байланысты жол полициясы қауіпсіздік шараларын күшейтіп жатыр, деп хабарлайды Orda.kz 24kz сайтына сілтеме жасап. 

«Алматы-Өскемен» тас жолының бойындағы 160 шақырымдық қорғаныс торынан бөлек, жолға жақын орналасқан шаруа қожалықтары 200 шағылыстырғыш таспамен қамтамасыз етіледі.

«Өте ыңғайлы, ең бастысы қауіпсіз. Нашар көріну жағдайында жүргізуші мен жолаушылар жануарларды дер кезінде байқап, алдын ала  әрекет жасап, жолда соқтығысуды болдырмайды», - дейді ферма жұмысшысы Тимур Фатихов.

Жаз мезгілі басталысымен өңірде Алакөл мен Балқашқа аттанатын туристер легі күтілуде. Сондай-ақ жазатайым оқиғалар қаупін азайту үшін шағылысатын белгілер жаңартылады.