Жетісуда бірден 336 баланың тұсауы кесіліп, рекордтар кітабына енді

Жетісулықтар Наурыз мерекесін даңқты дәстүрге бөледі. Талдықорған қаласында және облыстың өңірлерінде бір мезгілде жүздеген отбасы бейнебайланыс арқылы бір-бірін сәбилердің алғашқы қадамдарымен құттықтап, сәбилеріне тұсау кесу рәсімін жасады, деп хабарлайды Orda.kz  тілшісі.

Тұсау кестіру үшін жиналған балалардың саны рекордтық  – 336-ға  жетті, қазақтың ұлттық дәстүрі бойынша олардың тұсаулары кесіліп, өмірге өзіндік алғашқы қадамдарын жасады.

Талдықорған қаласында салтанатты шара өтетін орын ретінде «Жастар» спорт сарайы таңдалды. Облыстың Кербұлақ, Көксу, Ескелді, Алакөл, Сарқан аудандарында 30 отбасы, Ақсу ауданы мен Текелі қаласында 20, Қараталда 50 отбасы, Талдықорғанда 60-тан астам отбасы тұсау кесу рәсіміне қосылды.

Талдықорғандағы салтанатты шарада бір үйдің үш баласы – Даржан, Дина және Дария алғашқы қадамдарын жасады. Үшемнің анасы Сенбай Тұрсынбек балалардың тұсауын кесуді облыстағы беделді жандардың бірі, 40 жылдық еңбек өтілі бар инженер-ұстаз Әсет Жұмаділовке тапсырды.

«Біздің алты баламыз бар. Наурыз мейрамында тұсау кесер той жасап, ардақты ақсақалдың ақ батасын алу біздің отбасымыз үшін мерей.  Ата-ана ретіндегі ең үлкен бақыт – балаларды қуанту», - дейді қуанышты ата-ана.

Бүгін тұсауы кесілген Инаят атты сәби бір жыл бұрын, дәл 22 наурызда дүниеге келген екен.

«Бұл – біздің тұсау кесу сияқты маңызды рәсімге біз көптен бері дайындалып келеміз, жүздеген отбасының бізді құттықтағаны екі есе қуантады, бұл қазақтың ұлттық салт-дәстүрін сақтау үшін маңызды және бұл біздің есімізде мәңгі сақталады», - деді Диана. 

Құнанбай деген ерекше есімі бар ұл бала да алғашқы қадамын Талдықорғанда бастады. Оның отбасы тұсау кесу рәсімін халықпен бірге жасауды абырой санаған. Ол дұрыс та, себебі бала бүгінде жүздеген адамның батасын естіді.

«Елімізде және Жетісу өңірінде алғаш рет бір мезгілде 336 баланың тқсау кесер рәсімі өткізіліп, бұл дерек Қазақстанның рекордтар кітабына енгізілді», - деп атап өтті Қазақстандық есепке алу комиссиясының мүшесі Бақытжан Тастүлеков.

Бірақ халық рекордтан гөрі мерекелік атмосфераға, көптеген құттықтауларға, ақсақалдардың әдемі батасына қуанды. Қаратал өңірінде салтанатты шараға қатысқан отбасыларға тіпті дәстүрлі естелік сыйлықтар – байғазы тарту етілді. Батыр ана, «Алтын алқа» иегері Лида Жанбота бүгін қызына жоралғы ретінде қозы сыйға тартылғанын айтты.

Наурыз мейрамында ағаш отырғызу бұрыннан келе жатқан жақсы дәстүр, бүгін осы игі істі Жетісу өңіріндегі мыңдаған адам жалғастырды. Талдықорғандағы мемлекеттік қызметкерлер туған жерге деген қамқорлықтың үлгісін көрсетіп, Қаратал жағалауына жүзден астам жас қарағай отырғызды.

Ал Панфилов ауданының тұрғындары бірден үш мыңнан астам қылқан жапырақты ағаш отырғызды.

Талдықорғандықтар өздері отырғызған қарағай алаңын «Наурыз аллеясы» деп атайды. Осы бастаманы мысалға алған қала тұрғындарының көбі үйлерінің жанына ағаш отырғызып жатыр.

Наурыз мейрамын тойлау онкүндігінде Жетісу өңірінде 240-қа жуық түрлі қоғамдық іс-шаралар өткізу жоспарланып қойыпты.