Жетісу өңірінің шенеуніктері арыз жазып, абыройларын қайтармақшы

Жетісу облысы Кербұлақ ауданы әкімінің орынбасарлары Дәурен Жолжанов пен Нұрлан Әбденов полиция бөліміне арыз жазды, деп хабарлайды Orda.kz.

Олар азаматтық белсенді Күнсұлу Мүлкібаеваны интернетте ар-намысы мен абыройына нұқсан келтіретін жалған ақпарат таратқаны үшін жауапқа тартуды сұрайды. Шенеуніктердің айтуынша, 7 қыркүйекте Мүлкібаева әлеуметтік желілерде және басқа да платформаларда видео жариялаған, оқиғада олардың беделіне нұқсан келтіретін жалған ақпарат бар.

Естеріңізге сала кетейік, Күнсұлу Мүлкібаева Алматы облысының депутаты мен екі шенеунік жұмыс уақытында дастархан жайып, ішімдік ішті деп бейнежазба жариялады.