Жетісу облысының тұрғыны шаруа қожалығы басшысынан миллион теңге бопсалаған

Полицейлер шаруа қожалығының басшысынан миллион теңге бопсалаған күдіктіні ұстады.

Ұйымдасқан қылмысқа қарсы күрес басқармасының қызметкерлері шаруа қожалығының басшысын бопсалады деген күдікке ілінген Қаратал ауданының тұрғынын ұстады.

«Жедел уәкілдермен ер адам ұсталды, ол шаруа қожалығының басшысын қорқытып, миллион теңге бопсалаған. Қорқытып алу фактісі бойынша қылмыстық іс қозғалды, тергеу жалғасып жатыр. Күдікті қамауға алынды», - деді Жетісу облысы полиция департаменті ұйымдасқан қылмысқа қарсы күрес басқармасы бастығының міндетін атқарушы Аслан Абылов.