Жетісу облысында жатақхана өртеніп кетті

Жетісу облысы Алакөл ауданы Үшарал қаласындағы көпсалалы колледждің жатақханасында бөлме өртенді, деп хабарлады Орда.kz.

Оқиға 10 қыркүйекке қараған түні болған. Ведомствоның баспасөз қызметі мәлімдегендей, өрт сөндірушілер төртінші қабаттағы 25 шаршы метр аумақты қамтыған бөлмедегі өртті сөндірген. Екі тұрғын қауіпсіз жерге шығарылды.

«Сонымен қатар, 30 адам дер кезінде эвакуацияланды. Қуанышқа орай, зардап шеккендер жоқ»,  деп нақтылады төтенше жағдай қызметкерлері.