Жетісу облысы: әкімдік  неке сарайына, АХАЖ  театрға қоныстанды

Жетісу облысының әкімдігі көптен күткен, жаңадан салынған  «Салтанат сарайы»  ғимаратына көшті, ал неке сарайы уақытша театрға көшірілді.

2017 жылдың қараша айында Талдықорған қаласында Салтанат сарайы салтанатты түрде пайдалануға берілген болатын. Бұған дейін қала тұрғындары ең көбі 30 адам сыятын тар баспалдақ пен шағын салтанатты залы бар кәдімгі екі қабатты ғимаратта некелерін қиятын. Ал енді тойды тар жағдайда өткізуге мәжбүрміз деп  халық әлеуметтік желіде ашуланып жатыр.

— Жетісу облысының әкімдігі бар. Жетісу облысы әкімінің кеңсесі Салтанат сарайы ғимаратында орналасады. Неліктен дәл сол жерде деген сұраққа келсек, жұмыс күндері ол бос. Оқиғалар, тойлар жұма, сенбі, жексенбі күндері ғана болады, - деді журналистерге Жетісу облыс әкімінің баспасөз хатшысы Руслан Ербота.

Ал АХАЖ-ға жақын маңнан – Бикен Римова атындағы облыстық драма театрының ғимаратынан орын бөлінген. Ол да  салыстырмалы түрде жаңа ғимарат  - 2018 жылы салынған.

— Алғашында бізді әлеуметтік қорғау ғимаратына ауыстырды. Содан Instagram-дағылар шу шығарып, кеше түнде драма театрға көшеміз деп шешті. Дүйсенбіден бастап адамдар қабылдануы керек. Алғашында облыс әкімдігі театрға көшіңдер деді. Бірақ кейіннен қалаға (әкімдікке – ред.) әлеуметтік қамсыздандыруға, военкоматтың қасына деп айтылды, – дейді Талдықорғандағы АХАЖ-дың бас маманы Тамара Шыныбекова.

Қазірдің өзінде АХАЖ-дағы 7 қызметкер түгелдей осы ғимаратқа көшіп жатыр. Оларға кеңсе берілді. Олар жас жұбайлар некесін  фойеде баспалдақпен көтерілу кезінде салтанатты түрде тіркейді. Қаңтар оқиғасы кезінде айтарлықтай зақымданған облыстық әкімдік ғимаратының жөндеу жұмыстары аяқталғанша олар сонда болады. Бұл шамамен екі-үш ай, деп хабарлады ведомство.