Жетісу өңірінде металлургиялық кешен салынуда

Жаңа кәсіпорынға 3 млрд теңгеге жуық инвестиция салынады

«Ақсеңгір ЛТД» ЖШС Жетісу облысы Сарқан ауданында құрамында алтыны бар кендерді өндіру және өңдеу кешенін салуда. Тартылған инвестиция көлемі шамамен 3 млрд теңге болды, деп хабарлайды облыс әкімдігінің баспасөз қызметі.

Сарқан ауданының әкімдігі кәсіпорынмен ынтымақтастық туралы меморандумға қол қойды. Атап айтқанда, құжатта аудан тұрғындарын жаңа кешенге жұмысқа орналастыру, аудандағы өндірістік нысандарды есепке алу мәселелері сөз болды. Жоба жүзеге асса 200-ге жуық адамды жұмыспен қамтуға мүмкіндік береді. Қазір құрылыс алаңдарына 80 маман жұмыс істеп жатр.

Сондай-ақ, облыс әкімдігіне Сарқан ауданында 21 өнеркәсіптік кәсіпорын жұмыс істеп жатқаны, ағымдағы жылдың 7 айында өнеркәсіп өнімінің көлемі 6,3 млрд теңгеге жеткені хабарланды. 

Жалпы, Жетісу өңірінде бірінші жартыжылдықта өнеркәсіп өнімінің көлемі 152,4 млрд теңге болды.