«Жетісайдан шыққан алып келес» желі қолданушыларын таңқалдырды

Қазақстандықтарды желіде тараған алып келестің суреті шошытты.

Бұл туралы Orda.kz хабарлайды.

Желі қолданушылары көзі жұмулы, алып келестің суретін талқылап жатыр. Суреттің сипаттамасында кесірткенің Түркістан облысы Жетісайдан табылғанын айтылған. Кейбір желі қолданушылары  суреттегі келестің Орталық Азияның көп жерінде бар екенін айтты. Негізгі, келестердің бұл түрі Қазақстанның оңтүстік аймақтарында мекендейді.

Келес - кесірткелердің варандар тұқымдасына жататын Орта Азия мен Қазақстанда таралған ең ірі кесіртке. Оның дене тұрқының ұзындығы 150- 170-см, салмағы 2,5- 3кг жетеді. Келес кесірткесі денесінің бұлшық еттері өте жақсы жетілген, аяқтарындағы 5 саусақтары ұзын, ұшында ішке қарай иілген тырнақтары болады. Мойны жуан келеді.