Жетім балалар ақшасынан 70 миллион теңге жымқырылды

Балалардың омбудсмені Аружан Саин қызметкерлеріне қатысты тергеу амалдары жүргізіліп жатқан Алматы облыстық №1 балалар үйіндегі жағдайы туралы айтты.

«Қолда бар ақпаратқа сәйкес, Алматы қаласы бойынша экономикалық тергеу басқармасы асыраушысынан айрылған  және мүгедектігі бар балаларға  жәрдемақы ретінде түскен қаражаттың ұрлануы бойынша тергеу жүргізуде. Ұрланған ақшаның  жалпы сомасы 68,5 млн.теңге (164 мың доллар)», - деп жазды Аружан Саин әлеуметтік желіде.

Балалар үйінің бастығы болып жатқан  жайттан хабардар, тергеу  әлеуметтік педагогке байланысты орын алған.

«Қазіргі уақытта экономикалық тергеу департаменті аталған басшының үстінен сотқа дейінгі тергеу жұмыстарын жүргізіп жатыр», - деді Аружан Саин.

Балалар омбудсменінің айтуынша, бұл заң бұзушылықтар бір күнде болмаған. Бұған дейін де бірнеше рет мекеме қызметкерлері, түлектері мен тәрбиеленушілерінің өтініштерімен Алматы облысы бойынша ішкі мемлекеттік аудит департаменті Алматы облысының No1 балалар үйіне тексеру жүргізген. Қаржылық бақылау агенттігі тергеу барысы туралы ресми есеп жариялаған.

«Алматы қаласы бойынша экономикалық тергеу департаменті ҚМУ қызметкерлеріне қатысты жымқыру фактісі бойынша сотқа дейінгі тергеу жүргізуде (Қылмыстық кодекстің 189-бабы 4-бөлігінің 2-тармағы). Іс бойынша сотқа дейінгі тергеу абайсыздық фактісі бойынша ҚМУ лауазымды тұлғаларына қатысты сот тергеуі басталды (Қылмыстық кодекстің 371-бабының 1-бөлігі) », - делінген хабарламада.

Енді іс сотқа дейін жетсе, күдіктілер бөтеннің ақшасын жымқырғаны   үшін мүлкі тәркіленіп, жеті жылдан он екі жылға дейін бас бостандығынан айрылуы мүмкін. Сонымен қатар, немқұрайлылығы үшін 400 сағатқа дейінгі қоғамдық жұмыстарға тарту немесе бір жылға дейін шектеу/бас бостандығынан айыру жазасы қарастырылған.