Жетібайдағы мұнайшылардың ереуілде тұрғанына 2 ай болды

Жуырда Жетібайда ереуілге шыққан West Oil Software жұмысшылары «ҚазМұнайГаз» мәлімдемесіне жауап берді, деп хабарлайды Orda.kz порталы.

«Олар жала жабады. Желіде жалған ақпарат таратады. Біз тексеру жүргізуді және тиісті шаралар қабылдауды талап етеміз», — деді жұмысшылар.

«ҚазМұнайГаз» West Oil Software қызметкерлерімен еңбек қатынастарын тоқтату туралы мәселе қаралып жатқанын хабарлаған еді.

«Осыған байланысты жұмыс беруші ереуілге қатысушылармен еңбек қатынастарын тоқтату туралы мәселені заңнамаға сәйкес және сот шешімі бойынша біржақты тәртіппен қарайды. Бұдан басқа, ҚМГ еншілес ұйымдарда қосымша штат ашпайды және жаңа еншілес ұйым құрмайды» делінген хабарламада. 

Еске салайық, West Oil Software жұмысшылары 2023 жылдың 11 желтоқсанында ереуілге шыққан.