Жеті жасар Милана Давыдованың өліміне қатысты іс сотқа жіберілді

Павлодар облысының қылмыстық істер жөніндегі мамандандырылған ауданаралық сотында Екібастұз қаласының іргесіндегі Бесқауға ауылының тұрғыны Милана Давыдованың өліміне қатысты қылмыстық іс қаралады.

Бұл туралы Павлодар облыстық сотының баспасөз қызметі хабарлады.

«Іс келіп түсті, бірақ әлі өндіріске қабылданған жоқ. Бұл үшін бес күн уақыт беріледі» деп хабарлады баспасөз қызметі.

Істі түпкілікті қабылданғаннан кейін егжей-тегжейлі ашуға уәде берді.

Жергілікті мектеп оқушысы Милана Давыдова 17 қарашада жоғалып кеткен. Ондаған еріктілер, құтқарушылар мен полиция оны екі күнге жуық іздеді. Кейінірек қыздың ішімдік ішкен анасы қызын көршісінің үйінен тауып алған кезде басынан ұрып өлтіргенін, кейін ол мәйітті үй маңына жасыруға көмектескенін мойындады.

Павлодар облыстық ІІД хабарлауынша, әйел мен оның көршісі жергілікті фермердің малшысы болып жұмыс істеген.
Кісі өлтіру үлкен дүрбелең тудырды, атап айтқанда, Давыдовтардың тұрмыс жағдайына байланысты билік аймақтағы барлық отбасыларды тексере бастады. Бірқатар тиісті лауазымды тұлғаларға сөгіс жарияланды.