Жергілікті тұрғындардың сынынан кейін ауыл әкімі қызметінен алынды

Жамбыл облысындағы Бектөбе ауылының тұрғындары әкімнің жұмысын сынға алғаннан кейін Қаратөбе ауылдық округінің әкімі қызметінен босатылды. Бұл туралы облыс әкімі Бердібек Сапарбаев халықпен есеп беру кездесуінде мәлімдеді, деп хабарлайды облыс әкімінің баспасөз қызметі.

«Тұрғындардың біздің жұмысымызға беретін бағасы маңызды. Тапсырманы орындамаған әкімдер жауапқа тартылады. Мәселен, Бектөбе ауылының тұрғындары есеп беру кездесуінде Қаратөбе ауылдық округі әкімінің жұмысын сынға алды. Нәтижесінде ол қызметінен босатылды», - деді Бердібек Сапарбаев.

Ауыл тұрғындары аудан әкімінің бұл қызметте алты жыл бойы ештеңе істемегенін айтып, оның жұмысын нөлдік ұпаймен бағалады. Олардың айтуынша, ол ауылды сумен жабдықтау, жер телімдерін уақытында бөлу мәселелерін шеше алмаған. Сонымен қатар ауылда суару жұмыстары бойынша, жайылым және жарық мәселесі бар.

Ауылдық округ әкімінің өзі аудан басшысының есеп беру кездесуіне ауырып жатырмын деп келмеді.

«Кеше бардым, бүгін ауырдым? Бұл қалай? Сертификат қайда? Әкім кетсін, орнын босатсын! Әлі күнге дейін жұмыс істемейді!», - деп шулады ауыл тұрғындары.

Олар әкімді қызметінен босатуды және ауылдың мәселелерімен шынымен айналысатын басшы тағайындауды талап етті.