Жерді шетелдіктерге сатуға тыйым салатын жаңа заң жобасы жасалды

Жерді шетелдіктерге сатуға тыйым салатын заң жобасын Парламент қабылдады.

Бұл туралы Orda.kz хабарлады.

Бұған дейін Сенат «Жер қатынастары мәселелері бойынша кейбір заңнамалық актілерге өзгерістер мен толықтырулар енгізу туралы» заң жобасына өзгерістер енгізіп, Мәжіліске қайтарған.

Парламенттің жоғарғы палатасының депутаттары заң жобасында олқылықтар кетті деп шешті. Алдыңғы заң жобасында жеке орман өсіру мәселесі бойынша ештеңе айтылмаған. Жаңа өзгеріске сай, қазақстандықтар мен шетелдік қатысуы жоқ заңды тұлғаларға ғана жеке орман өсіру үшін жер беруге рұқсат етіледі.

Мәжіліс депутаттары Сенаттың түзетулеріне келісті.

– Сенат ұсынған өзгеріс пен толықтыру шетелдік жер пайдаланушылар мен шетелдік қатысуы бар заңды тұлғалардың, сондай-ақ ауыл шаруашылығы мақсатындағы жер учаскелерін жекеменшік және жер пайдалану құқығымен қандастардың иеленуіне тыйым салуды көздейтін заң жобасының Мәжіліс мақұлдаған тұжырымдамасын бұзбайды және оның мазмұнын нашарлатпайды, - деді Мәжіліс.