Жерді ластаған компанияға 4 млн теңге айыппұл салынды

Жаңаөзен қаласындағы жерді ластаған компанияға 4 млн теңге айыппұл салынды, деп хабарлады Orda.kz.

Жаңаөзен қаласының прокуратурасы табиғатты қорғау заңнамасының сақталуына талдау жүргізу аясында «SAAT Group» ЖШС-нің  мұнай құбырларын тазалауға пайдаланған сұйықтықты топыраққа ағызған фактісін анықтады.

Зертханалық зерттеу нәтижелері бойынша алынған топырақ үлгілерінен мұнай өнімдерінің іздері табылған.

Қалалық прокуратураның актісімен аталған серіктестік баптың 4-бөлігі бойынша әкімшілік жауапкершілікке тартылды. Оларға  «Әкімшілік құқық бұзушылық туралы» Кодексінің 332-бабының 1-бөлігімен және 337-бабының 4-бөлігімен 4 млн.теңге айыппұл салынды.