Жер телімдері жоспарсыз сатылған – Мәди Ахметов

Мәжіліс депутаты Мәди Ахметов Алматы облысын екіге бөлу қандай мәселелерді шешетіні туралы айтты. Бұл туралы депутат Apta бағдарламасына берген пікірінде жеткізді.

«Екі миллионнан астам халқы бар Алматы облысының мәселелерін шешу үшін бұл тиімді. Алматы мен Алматы облысының ортасында елді-мекендер көп шоғырланған, барсаңыз өте алмайсыз, су жоқ, жарық жоқ, мектеп қайда, ауруханалық пункттер қайда орналасатыны белгісіз. Өйткені, жер телімдері жоспарсыз сатылған», - дейді депутат.

Еске сала кетейік, ҚР президенті Қасым-Жомарт Тоқаев 16 наурыз күні Қазақстан халқына жасаған жолдауында Алматы облысын Алматы және Жетісу облысы деп екіге бөлу туралы шешімін жариялаған.