Жер сілкінісінен зақымданған ғимараттарды шығынын кім өтейді?

Алматы әкімдігінде жер сілкінісінен зақым алған ғимараттар анықталған кезде қайда жүгіну керектігі түсіндірілді, деп хабарлайды Orda.kz порталы.

• Аудандық әкімдіктер жанында ТЖД, МКК, аудандық сәулетшілер мен басқа да уәкілетті орган өкілінен тұратын комиссия тобы жұмыс істейді. Құрылысқа қандай да бір зақым келген жағдайда қала тұрғындары фотоматериалдарымен қоса аудан әкімдігіне өтінішпен жүгінуі қажет.
• Бұдан әрі Комиссия мүшелері өтініш негізінде зақымдану деңгейін алдын ала анықтау үшін ғимаратқа көшпелі тексеру жүргізеді. Яғни, олар тірек құрылымдарының бұзылуының дәлелі ме, әлде төбелер, сылақ, плитка және қасбетті әрлеу сияқты әрлеу материалдарының элементтеріне қатысты ма екенін анықтайды.
• Аудандық комиссиялардың барлық материалы қалалық Жоспарлау және урбанистика басқармасында жинақталады. Содан кейін қазақ Құрылыс және сәулет ғылыми-зерттеу және жобалау институтына (ҚазҚСҒЗИ) жіберіледі.
• Өз кезегінде ҚазҚСҒЗИ мамандары белгілі бір объектінің зақымдану себебі мен дәрежесі туралы қорытынды береді.

Әлеуметтік нысандар бұзылған жағдайда, жөндеу бюджет есебінен жүргізіледі.

Көппәтерлі тұрғын үйлердің әрлеу элементтері бүлінсе, жөндеу жұмысын кондоминиум қаражаты есебінен жүргізу қажет.

Ғимараттардың тұтастығына қауіп төндіретін зақым анықталған жағдайда қалпына келтіру жұмысына қаражат мемлекеттік органдар бюджетінен бөлінеді.