Жер сілкінісінен мешіт қирады: 10 адам қаза тапты

Мьянмадағы жер сілкінісі кезінде Мандалай қаласындағы мешіт құлап, кемінде 10 адам мерт болды, деп хабарлады Orda.kz.

Жергілікті  Khit Thit  басылымының  мәліметінше, құлаған мешіт үйінділерінің астынан бірнеше адамның денесі табылған.

Жер асты дүмпулері көрші Таиландта да қатты сезіліп, Бангкокта билік көпқабатты үйлерден тұрғындарды эвакуациялап, метро қозғалысын тоқтатты.

Айта кетейік, Мьянмада 7,9 балдық жойқын жер сілкінісінен кейін араға 12 минут салып, тағы бір 6,4 балдық дүмпу тіркелген болатын. Жер асты дүмпулері Бангладеш, Үндістан, Таиланд, Лаос және Қытайда да сезілді.