Жер сілкінісі кезінде жалған ақпарат таратқандар жазаланбақ

Жер сілкінісі кезінде жалған ақпарат таратқандар қылмыстық жауапкершілікке тартылады, деп хабарлайды Orda.kz порталы ТЖМ-ге сілтеме жасай отырып.

«Қала тұрғындары арасында жалған ақпараттың таралуына байланысты Алматы қаласы төтенше жағдайлар департаменті қалада төтенше жағдайлар күштері мен құралдарын топтастыру күшейтіліп жатпағанын хабарлайды. Азаматтық қорғау жүйесі штаттық режимде жұмыс істеуде» деп жазылған хабарламада.

ТЖМ жалған ақпарат таратқандарға қылмыстық жауапкершілікке дейінгі жаза қарастырылғанын тілге тиек етті.

Әлеуметтік желілерде жер сілкінісінің қайта болатыны және жан-жақтан төтенше жағдайлар қызметкерлері жиналып жатқаны жайында «танысым, жездем, көршім айтты» деген жалған ақпараттар тарау үстінде.