«Жер дауы»: Тұрғынға жер бермеген Риддер әкімі сотта жеңіліс тапты

Риддер қаласының тұрғыны қала әкіміне Поперечное ауылында 50 гектар жерді мал жаюға және 15 гектар жерді шөп шабуға беру туралы өтінішпен жүгінді. Тұрғын өтінішін әкімдік мақұлдамаған соң, сотқа жүгінді. Енді әкімдік өз шешімін қайта қарайтын болды.

Бұл туралы Жоғарғы сот хабарлады.

Тұрғынның өтінішін әкім жер комиссиясы шешіміне сүйене отырып, мақұлдамаған екен. Жоғарғы сот шешімімен тұрғын әкімнің шешіміне қарсы сотқа жүгінді. Енді олар шешімді қайта қарайтын болды.

Бірінші инстанциядағы сот әкімнің әкімшілік актісінің негізсіз екенін (ҚР Әкімшілік рәсімдік-процестік кодексінің 79-бабы) және жер комиссиясының екі өтінішті бір дауыс беру арқылы қарау кезіндегі заң бұзушылықтарды атап өтті. Бұл жағдайда сот дауыс беру тәртібінің бұзылуы, комиссия мүшелерінің қорытындыларының хаттама мазмұнына сәйкес келмеуі және хаттамада бас тарту негіздерінің болмауы назарға алды.

Жергілікті соттар тұрғынның талаптарын қанағаттандырып, жер комиссиясының хаттамалық шешімін жойып, әкімді өтініштерді қайта қарап, оң әкімшілік акт қабылдауға міндеттеді. 

Жоғарғы Соттың Сот қадағалау алқасы істі қарау барысында бұл сот актілерінің заңды және негізді екенін анықтады. Қала әкімінің және салалық аудандық бөлімдердің өкілдері жер комиссиясының хаттамалық шешімінің заңсыз екенін мойындады.