Жеңілдетілген автонесие бағдарламасы 2023 жылы жалғасады

Бағдарлама операторлары барлық қолданыстағы бағдарламалардың шарттары біркелкі болатынын хабарлайды

Орталықтандырылған бақылауды қамтамасыз ету үшін Қазақстанның Даму Банкі ұсынатын бағдарлама бойынша бір ғана қаражат операторын қалдыру жоспарлануда.

Қазір бағдарламаға қатысушы банктер бұрыннан алған несиелерін өтеуден түскен қаражатты жинақтап жатыр.

«2023 жылдың қаңтар айының екінші жартысында револьверлік механизм негізінде жеңілдікті несиелер беруді бастау күтілуде. Іске қосу күніне екі бағдарлама бойынша жинақталған қаражат көлемі шамамен 13 млрд теңге болады, бұл кемінде 1300 жаңа автонесие беруге мүмкіндік береді. Алдағы уақытта револьверлік әдіспен жинақталған қаражатты ай сайын бөлу жоспарлануда» делінген хабарламада.

2015 жылдан бері ҚДБ арқылы жеңілдетілген автонесие бағдарламасына 82 млрд теңге бөлінді. Айналмалы механизмді қолданудың арқасында осы қаражат есебінен жалпы сомасы 176 млрд теңгенің 32 мыңнан астам несиесі берілді.

2022 жылдың мамыр айында Индустрияны дамыту қоры жеңілдетілген автонесие бағдарламасына 100 млрд теңге бөлді. 2022 жылдың 1 желтоқсанындағы жағдай бойынша бұл қаражатқа 14 мыңнан астам несие мақұлданды, оның ішінде 12 500-ден астам жаңа автокөліктер шығарылды. Автонесиенің орташа мөлшері 7,8 млн теңге болды.

Бағдарламаны қайта бастаудың нақты күні кейінірек жарияланады деп уәде етілді.