Жемқорлықпен сотталған ТЖМ қызметкері

Төтенше жағдайлар министрлігі Өнеркәсіптік қауіпсіздік комитетінің Павлодар облысы бойынша департаментінің басшысы сотталды. 

17 маусымда Павлодар қаласының №2 соты үкімімен Төтенше жағдайлар министрлігі Өнеркәсіптік қауіпсіздік комитетінің облыстық департаментінің басшысы Қ.Темірханов 3 жылға бас бостандығынан айырылды.

Ол өнеркәсіптік қауіпсіздік саласындағы жыл сайынғы тексерулер барысында олқылықтарға көз жұмуға кәсіпорын басшысынан 1,3 миллион теңге көлемінде пара алды деп айыпталған.

Осы оқиғадан соң бөлім басшысы мен оның орынбасары лауазымдық міндеттерін адал орындамағаны үшін қызметінен босатылды.