Жемқорлардан тәркіленген қаржыға мектеп ашылады

2025 жылы жемқорлардан тәркіленген ақшаға 25 мектеп ашылмақ, деп хабарлайды Orda.kz порталы.

Осыған дейін Білім беру инфрақұрылымын қолдау қоры есебінен 76 738 орынға арналған 62 мектептің құрылысы қаржыландырылған болатын. Қазір олардың ішінен 37 мектеп іске қосылды. Бұл туралы ақпаратты ҚР Оқу-ағарту министрлігі хабарлады.

Нәтижесінде 48 мың мектеп пайдалануға берілді. Оның басым бөлігі ірі мегаполистер мен оларға жақын аумақтарда. 

«Қор Қазақстанның білім беру саласындағы жобаларды іске асыру бойынша белсенді жұмысты жалғастырып жатыр. Президенттің тапсырмасы бойынша құрылған қордың қызметі мектеп, оларға қосымша құрылыс нысандарын, интернат салу, реконструкциялау арқылы үш ауысымды, апатты мектептер мен оқушы орнының жетіспеушілігін жоюға бағытталған. Осы жылы 28 мың оқушыға арналған тағы 25 мектепті іске қосу жоспарланған», – деп атап өтті инфрақұрылымды дамыту департаменті директорының м.а. Марлен Қасенов. 

Естеріңізге сала кетейік, осы жылдың басында Білім беру инфрақұрылымын қолдау қорының қаражаты есебінен шамамен 15 мың орындық тағы 20 жаңа мектеп салынатыны белгілі болды.