«Жемқорлыққа қарсы» қызметкерді  ұстаған полицейлер жұмыстан кетті

Қарағанды ​​облысында  сыбайлас жемқорлыққа қарсы қызмет басқармасының қызметкерін жанжал бойынша  тұтқындаған  полиция қызметкерлері жұмыстан босатылды.

«Әкімшілік іс жүргізуде қызметтік материал және дәлелдеме болып табылатын бейнежетондағы жазбаны таратқаны, сондай-ақ балағат сөздерді қолдану арқылы мемлекеттік қызметшінің әдеп нормаларын бұзғаны үшін қызметтік тексеру жүргізілді. Патрульдік полиция экипажы тәртіптік жаза қолдану арқылы қызметінен босатылды. Аталған қызметкерлерден бөлек, олардың тікелей жетекшілері де қызметтерінен босатылды» деп хабарлады жексенбі күні Қарағанды ​​облысының полиция департаментінің баспасөз қызметі.

Еске салайық, 30 қаңтарда Қарағанды ​​облысы бойынша сыбайлас жемқорлыққа қарсы қызмет басқармасының қызметкері, аға комиссар Данияр Құдыкенов дәмханадағы төбелестен кейін жол апатына түсіп, сараптамадан өтуден бас тартқан болатын.

Нәтижесінде тұтқынға алуға қатысы бар полицейлер жұмыстан босатылды. Олардың бірі Құдыкеновтің жауапқа тартылмағанын және оның полицейлердің бірінің туысы екенін көрсеткен видео хабарлама түсіріп алғаны белгілі болған еді.